L'oxetivu d'esti trabayu consiste nel análisis del procesu de castellanización al sur del cordal, y especialmente en Lleón, na Edá Moderna. Pa llogralo emplégase como fonte básica un corpus de documentos orixinales onde se conseñen rellaciones de bienes materiales (testamentos, cartes d'arres, inventarios, partíes...) con información léxica relevante. Dende esti corpus analízase'l grau de castellanización qu'amuesen na estaya léxica -y de forma indirecta na fonolóxica y na morfolóxica- dalgunes comarques lleoneses con un comportamientu estremáu en cuantes al resultáu del procesu históricu de castellanización.