El certame literariu “Versos a Oliegos”: l’apreciu de la cultura y la llengua cepedanas ^Novedad

Nel amanecerín del 28 de los santos del 1945, los vecinos d’Oliegos de Cepeda tuvieron que deixar pola fuercia administrativa las súas casas, faciendas, xente y, tamién, la súa patria cepedana por mor de la construcción del banzáu de Villameca. Onque nesi momentu’l sacrificiu en favor d’un supuestu progresu convencería na contorna, lo cierto ye que las condiciones del embargu foron especialmente duras, hasta rematar el sou viaxe bien lluenxe, en Castiella, nas tierras del Marqués de la Conquista, no coutu de Foncastín (Rueda, Valladoliz), onde tendrían que construír el sou futuru. Muchos años depués, no 2001, gracias al buen xacer y facer de Tomás Álvarez, entamóuse’l certame de poesía cepedana “Versos a Oliegos”, que vieno acompañáu d’un alcuentru de cepedanos d’orixe y de corazón, asina cumo de paisanos de La Veiga’l Tuertu y La Ribera’l Órbigu. Esi añu quedarían fixadas las llinias mayestras d’esta reunión añal itinerante, que tien entre los sous obxectivos sirvir cumo foru d’homenaxe al puebru expatriáu d’Oliegos através de poemas o reflexiones en prosa. Outramiente, güei –tres cuasi un cuartu de sieglu dende los sous entamos– puede considerase “Versos a Oliegos”, pola abondancia de temas trataos, cumo un fitu na conocencia de la historia, la cultura y la llengua de La Cepeda.