Partiendo de una visión global según les grandes estayes tradicionales de la llingüística, como son el léxicu en xeneral y la toponimia y l’antroponimia en dellos aspeutos específicos, preséntense nesti artículu una riestra de consideraciones rellatives al gran interés histórico-llingüísticu de la documentación de los archivos del vieyu Reinu de Lleón, más en particular la de los de la Catedral de Lleón y del Monesteriu de Sahagún. L’oxetivu de la compilación d’exemplos que s’ufierta ye (re)llamar l’atención sobro esta documentación altomedieval, testimoniu de lo tempranamente que s’atestigüen munchos fenómenos históricoculturales o llingüísticos. Tienen un papel destacáu nesti contestu los nomes propios, bien seyan topónimos o antropónimos y afítase tamién que la documentación tratada confirma o corrixe bien de veces lo que se vieno indicando o suponiendo nos diccionarios etimolóxicos o nos trataos d’onomástica asoleyaos hasta agora.